42 శాతం బీసీ రిజర్వేషన్లతోనే MPTC, ZPTC ఎన్నికలు నిర్వహించాలి: కోడూరి చంద్రయ్య డిమాండ్

42 శాతం బీసీ రిజర్వేషన్లతోనే MPTC, ZPTC ఎన్నికలు నిర్వహించాలి: కోడూరి చంద్రయ్య డిమాండ్

తెలంగాణ రాష్ట్రంలో బీసీ రిజర్వేషన్ల విషయంలో ప్రభుత్వం తీవ్ర నిర్లక్ష్యం వహిస్తోందని బీసీ కులాల ఉద్యమ పోరాట సంఘం తెలంగాణ రాష్ట్ర సీనియర్ నాయకులు కోడూరి చంద్రయ్య తీవ్రంగా విమర్శించారు.

ఆయన మాట్లాడుతూ.. బీసీ రిజర్వేషన్ల కోసం జరిగిన అన్ని ప్రయత్నాలు విఫలమయ్యాయని, పంచాయతీ సర్పంచ్, వార్డు మెంబర్ల ఎన్నికలను పాత బీసీ రిజర్వేషన్ల విధానంలో నిర్వహించడం ద్వారా బీసీలను తెలంగాణ రాష్ట్రంలో వంచించినట్లే జరిగిందని ఆరోపించారు.

ఇప్పుడు జరగబోయే ఎంపిటిసి (మండల పరిషత్), జడ్పిటిసి (జిల్లా పరిషత్) ఎన్నికలలో అయినా బీసీలకు 42 శాతం రిజర్వేషన్లు అమలు చేసి ఎన్నికలు నిర్వహించాలని ఆయన డిమాండ్ చేశారు.

గత రెండేళ్లలో ముఖ్యమంత్రి రేవంత్ రెడ్డి గారు 60 సార్లకు పైగా ఢిల్లీ వెళ్లివచ్చినా, ఏఐసీసీ సమావేశాలలో గానీ, పార్లమెంట్ లోక్‌సభ సమావేశాలలో గానీ బీసీ రిజర్వేషన్ల బిల్లుపై ఒత్తిడి తీసుకురావడంలో కాంగ్రెస్ నాయకత్వం విఫలమైందని చంద్రయ్య అన్నారు.

అలాగే తెలంగాణ రాష్ట్రంలోని అన్ని పార్టీల నాయకులు, ప్రతిపక్ష నేతలను ఢిల్లీకి తీసుకెళ్లి ప్రధానమంత్రి గారిని కలిసి బీసీ రిజర్వేషన్లపై ఒత్తిడి తీసుకురాకపోవడం కూడా ముఖ్యమంత్రి నిర్లక్ష్య ధోరణినే స్పష్టంగా చూపుతోందని విమర్శించారు.

ప్రస్తుతం జరుగుతున్న శీతాకాల పార్లమెంటు సమావేశాల్లో కాంగ్రెస్ పార్టీకి సుమారు 100 మంది పార్లమెంట్ సభ్యులు ఉన్నారని గుర్తు చేసిన కోడూరి చంద్రయ్య, కాంగ్రెస్ పార్టీ ప్రత్యేకంగా బీసీ రిజర్వేషన్ల బిల్లును ప్రవేశపెట్టి, దానిని తొమ్మిదవ షెడ్యూల్‌లో చేర్చేలా పోరాటం చేయాలని డిమాండ్ చేశారు. బీసీలకు న్యాయం జరిగేలా పార్లమెంటులో గట్టిగా పోరాడాలని ఆయన పిలుపునిచ్చారు.

ఈ కార్యక్రమంలో

బీసీ కులాల ఉద్యమ పోరాట సంఘం ఉమ్మడి ఆదిలాబాద్ జిల్లా కో-కన్వీనర్ కడార్ల నరసయ్య,

మూల భాస్కర్ గౌడ్,

జన్నారం మండల బీసీ సంఘం అధ్యక్షుడు గూడ అశోక్,

పొనకల్ గ్రామ మొదటి వార్డు సభ్యుడు ముధురుకోల్ల రవి,

రెండవ వార్డు సభ్యుడు పిళ్లి మల్లయ్య,

పొనకల్ పట్టణ వడ్డెర సంఘం అధ్యక్షుడు కుంట మహేష్,

ఆర్టీసీ ఎంప్లాయిస్ యూనియన్ సీనియర్ నాయకులు గోపి సత్యనారాయణ,

జన్నారం మండల ముదిరాజ్ సంఘం ఉపాధ్యక్షుడు అయిలవేణి రవి

తదితరులు పాల్గొన్నారు.