నరసాపురం నియోజకవర్గంలో ప్రజావేదిక ద్వారా ప్రజా సమస్యల స్వీకరణ..

ఆంధ్రప్రదేశ్ రాష్ట్ర ముఖ్యమంత్రివర్యులు శ్రీ నారా చంద్రబాబు నాయుడు గారి ఆదేశాల మేరకు, నరసాపురం నియోజకవర్గ తెలుగుదేశం పార్టీ కార్యాలయంలో ప్రజావేదిక కార్యక్రమం నిర్వహించి ప్రజల నుంచి సమస్యలు, ఫిర్యాదులు స్వీకరించారు.

ఈ కార్యక్రమంలో నరసాపురం నియోజకవర్గ తెలుగుదేశం పార్టీ ఇన్‌చార్జ్ పొత్తూరి రామరాజు ప్రజలతో నేరుగా మమేకమై వారి సమస్యలను విన్నారు. ప్రజల సమస్యలకు ప్రాధాన్యతనిచ్చి, పరిష్కార దిశగా తగిన చర్యలు తీసుకుంటామని ఆయన హామీ ఇచ్చారు. ప్రజలతో ప్రత్యక్ష సంప్రదింపులే పార్టీ విధానానికి మూలాధారమని ఆయన పేర్కొన్నారు.

ప్రజావేదిక కార్యక్రమంలో ఆంధ్రప్రదేశ్ మత్స్యకార అభివృద్ధి కార్పొరేషన్ చైర్మన్ కొల్లు పెద్దిరాజు, AMC చైర్మన్ జక్కం శ్రీమన్నారాయణ, అగ్నికుల క్షత్రియ కన్వీనర్ కొప్పాడి రవీంద్రనాథ్ ఠాగూర్ తదితర ప్రముఖులు పాల్గొని ప్రజల సమస్యలపై అవగాహన పొందారు.

ఈ సందర్భంగా నాయకులు మాట్లాడుతూ, ప్రజల సమస్యలకు సకాలంలో పరిష్కారం చూపడమే ప్రభుత్వ, పార్టీ ప్రధాన లక్ష్యమని స్పష్టం చేశారు. ప్రజావేదిక వంటి కార్యక్రమాల ద్వారా ప్రజలకు మరింత అందుబాటులో ఉండే పాలనను బలోపేతం చేస్తున్నామని తెలిపారు.

ఈ కార్యక్రమంలో శిరిగినిడి రాజ్యలక్ష్మి, వాతాడి ఉమా మహేశ్వరరావు, సంకు భాస్కర్, గుడాల సునీత, పాల దుర్గ భవాని, జక్కం కాశి, జెట్ల నాగేశ్వరరావు, పడవల సత్యనారాయణ, మల్లాడి మూర్తి తదితరులు పాల్గొనగా, నరసాపురం నియోజకవర్గానికి చెందిన తెలుగుదేశం పార్టీ నాయకులు మరియు కార్యకర్తలు పెద్ద సంఖ్యలో హాజరయ్యారు.