బీసీ సంఘం ఆధ్వర్యంలో జన్నారంలో సావిత్రిబాయి పూలే జయంతి

బీసీ సంఘం ఆధ్వర్యంలో జన్నారంలో సావిత్రిబాయి పూలే జయంతి

జన్నారం, జనవరి 3:
జన్నారం మండల కేంద్రంలో బీసీ కులాల ఉద్యమ పోరాట సంఘం జన్నారం మండల శాఖ ఆధ్వర్యంలో నేడు సావిత్రిబాయి పూలే గారి 195వ జయంతిని ఘనంగా నిర్వహించారు. ఈ కార్యక్రమంలో ముందుగా సావిత్రిబాయి పూలే గారి చిత్రపటానికి పూలమాల వేసి నివాళులు అర్పించారు.

ఈ సందర్భంగా మండల బీసీ సంఘం అధ్యక్షుడు గూడ అశోక్ మాట్లాడుతూ, స్త్రీలకు విద్య అనే వెలుగును అందించిన మహోన్నత వ్యక్తి సావిత్రిబాయి పూలే గారని అన్నారు. అక్షరాల ద్వారా చీకటిలో ఉన్న సమాజానికి దారి చూపిన విప్లవమాతగా ఆమె చరిత్రలో నిలిచారని పేర్కొన్నారు. అనేక అవమానాలు, అడ్డంకులను ఎదుర్కొని మహిళల విద్య కోసం పోరాడిన ధైర్యశాలిగా సావిత్రిబాయి పూలే గారు ఆదర్శప్రాయులని తెలిపారు. ఆమె వేసిన విద్యాబాటలోనే నేటి మహిళలు అన్ని రంగాల్లో ముందుకు సాగుతున్నారని అన్నారు.

ఈ కార్యక్రమంలో బీసీ కులాల ఉద్యమ పోరాట సంఘం ఉమ్మడి ఆదిలాబాద్ జిల్లా కన్వీనర్ కోడూరి చంద్రయ్య, కో-కన్వీనర్ కడార్ల నరసయ్య, పొనకల్ గ్రామ వడ్డెర సంఘం అధ్యక్షుడు కుంట మహేష్, విశ్వబ్రాహ్మణ సంఘం నాయకులు కంచె నరసయ్య, కట్ట వెంకటేశ్వర్లు, శ్రీరాముల ఆంజనేయులు, వడ్డెర సంఘం నాయకుడు కుంట సాలయ్య, రిటైర్డ్ టీచర్ సీలోజు రాజబాబు, మైనార్టీ నాయకుడు షేక్ మజర్ తదితరులు పాల్గొన్నారు.

సావిత్రిబాయి పూలే గారి ఆశయాలను స్మరించుకుంటూ, విద్యా-సామాజిక సమానత్వం కోసం ప్రతి ఒక్కరూ కృషి చేయాలని వక్తలు ఈ సందర్భంగా పిలుపునిచ్చారు.