దేశీయ పెట్టుబడుల్లో ఆంధ్రప్రదేశ్ ప్రథమ స్థానం – ప్రజలకు శుభవార్త : సీఎం చంద్రబాబు

దేశీయ పెట్టుబడుల్లో ఆంధ్రప్రదేశ్ ప్రథమ స్థానం – ప్రజలకు శుభవార్త : సీఎం చంద్రబాబు

అమరావతి:
దేశీయ పెట్టుబడుల ఆకర్షణలో ఆంధ్రప్రదేశ్ రాష్ట్రం దేశంలోనే ప్రథమ స్థానంలో నిలవడం ప్రజలకు శుభవార్తగా మారిందని ముఖ్యమంత్రి చంద్రబాబు నాయుడు అన్నారు. బ్యాంక్ ఆఫ్ బరోడా – సీఎంఐఈ (CMIE) నివేదిక ఆధారంగా ఈ విషయం వెల్లడవ్వగా, దీనిపై సీఎం చంద్రబాబు ఎక్స్ (ట్విట్టర్) వేదికగా స్పందించారు.

రాష్ట్రంలో పారిశ్రామిక వాతావరణాన్ని మెరుగుపరచడం, పెట్టుబడిదారులకు అనుకూల విధానాలు అమలు చేయడం వల్లే ఈ ఫలితం సాధ్యమైందని సీఎం పేర్కొన్నారు. ఉద్యోగావకాశాల సృష్టి, ఆర్థికాభివృద్ధే లక్ష్యంగా కూటమి ప్రభుత్వం పని చేస్తోందని స్పష్టం చేశారు.

సీఎం విజన్‌–లోకేష్ పట్టుదలతో పరిశ్రమల రాక

ఈ సందర్భంగా మంత్రి డోలా శ్రీ బాల వీరాంజనేయ స్వామి మాట్లాడుతూ, సీఎం చంద్రబాబు విజన్‌, మంత్రి నారా లోకేష్ పట్టుదల వల్లే రాష్ట్రానికి దేశీయ పారిశ్రామిక సంస్థలు పెద్ద ఎత్తున తరలివస్తున్నాయని అన్నారు. పెట్టుబడిదారులకు నమ్మకం కలిగించే పాలన కొనసాగుతుండటమే ఈ విజయానికి కారణమన్నారు.

108 అంబులెన్సుల వ్యవస్థలో వైసీపీ అవినీతి

ఇదిలా ఉండగా, 108 అంబులెన్సుల వ్యవస్థలో గత వైసీపీ పాలనలో తీవ్ర అవినీతి చోటుచేసుకుందని ఏలూరు జిల్లా ఎమ్మెల్యే బడేటి రాధాకృష్ణ ఆరోపించారు. ఏలూరు జిల్లా ఆసుపత్రికి మీడియాను ఆహ్వానించి, పలు ఆధారాలతో వాస్తవాలను వివరించారు. ప్రజల ప్రాణాలతో ముడిపడి ఉన్న వ్యవస్థలో అవినీతిని కూటమి ప్రభుత్వం సహించదని ఆయన స్పష్టం చేశారు.

విదేశాల్లో ఉన్నా రాష్ట్రంపై సీఎం నిరంతర సమీక్ష

సీఎం చంద్రబాబు విదేశీ పర్యటనలో ఉన్నప్పటికీ రాష్ట్ర పరిస్థితులపై ఎప్పటికప్పుడు సమీక్షలు చేస్తున్నారని లిడ్ క్యాప్ చైర్మన్ పిల్లి మాణిక్యరావు తెలిపారు. సీఎం విదేశీ పర్యటనపై వైసీపీ చేస్తున్న తప్పుడు ప్రచారాన్ని ఆయన ఖండించారు. పెట్టుబడులే లక్ష్యంగా సీఎం పర్యటన సాగుతోందని, దీని వల్ల రాష్ట్రానికి మరిన్ని అవకాశాలు లభిస్తాయని అన్నారు.

భూ యజమానుల హక్కుల పరిరక్షణ

రాజముద్రతో కూడిన పాస్ పుస్తకాల పంపిణీ ద్వారా భూ యజమానుల హక్కులను కూటమి ప్రభుత్వం కాపాడుతోందని కొత్తపేట ఎమ్మెల్యే బండారు సత్యానందరావు పేర్కొన్నారు. భూ వ్యవహారాల్లో పారదర్శకత తీసుకురావడమే ప్రభుత్వ లక్ష్యమని ఆయన అన్నారు.