ఏపీ ఎన్జీవోస్ అసోసియేషన్ నూతన డైరీ–2026 క్యాలెండర్ ఆవిష్కరణ.

జిల్లా కలెక్టర్ డాక్టర్ సిరి గారి చేతుల మీదుగా ఘనంగా కార్యక్రమం

కర్నూలు:-

ఏపీ ఎన్జీవోస్ అసోసియేషన్ ఆధ్వర్యంలో రూపొందించిన నూతన డైరీతో పాటు 2026 నూతన క్యాలెండర్‌ను గౌరవ జిల్లా కలెక్టర్ డాక్టర్ సిరి గారు ఈరోజు కలెక్టర్ కార్యాలయంలోని తన ఛాంబర్‌లో అధికారికంగా ఆవిష్కరించారు. ఉద్యోగుల ఐక్యత, సేవాభావం, పరిపాలనా నిబద్ధతకు ప్రతీకగా నిలిచే ఈ కార్యక్రమం ఆత్మీయ వాతావరణంలో సాగింది.

ఈ సందర్భంగా కర్నూలు జిల్లా అధ్యక్షులు కామ్రేడ్ వి. జవహర్లాల్, జిల్లా ప్రధాన కార్యదర్శి ఎం.సి. కాశన్న, జిల్లా అసోసియేట్ అధ్యక్షులు ఈశ్వరయ్య పాల్గొన్నారు. అలాగే ఉపాధ్యక్షులు సాంబశివారెడ్డి, కృష్ణమోహన్, నాగేంద్ర, జిల్లా సంయుక్త కార్యదర్శులు నాగ కిషోర్, ఆర్.వి. రమణ, కెసిహెచ్ కృష్ణుడు, సుధాకర్, నగర కార్యదర్శి రామకృష్ణ, అగ్ర కోశాధికారి హరికృష్ణ గౌడ్ కార్యక్రమానికి హాజరయ్యారు.

అదేవిధంగా కర్నూలు నగర కార్యవర్గ సభ్యులు వెంకటేశ్వర్లు, సాయిరాం, చలపతి, వరలక్ష్మి, కృపా సాగర్, సురేష్, లక్ష్మీ నరసయ్య, సుధాకర్ రెడ్డి, మద్దయ్య పాల్గొని కార్యక్రమానికి మరింత శోభ చేకూర్చారు.

ఈ కార్యక్రమంలో ప్రభుత్వ 4వ తరగతి ఉద్యోగుల జిల్లా సంఘం అధ్యక్షులు మద్దిలేటి, ఆంధ్రప్రదేశ్ టైపిస్టు మరియు స్టెనోగ్రాఫర్ల అసోసియేషన్ రాష్ట్ర ప్రధాన కార్యదర్శి శంకర్ నాయక్తో పాటు వివిధ ఉద్యోగ సంఘాల నాయకులు, ప్రతినిధులు పాల్గొన్నారు.

ఈ సందర్భంగా జిల్లా కలెక్టర్ డాక్టర్ సిరి గారు ఉద్యోగుల సేవాభావాన్ని ప్రశంసిస్తూ, ప్రజాపాలనలో వారి పాత్ర కీలకమని పేర్కొన్నారు. ఉద్యోగ సంఘాల మధ్య ఐక్యత, పరస్పర సహకారం కొనసాగాలని ఆకాంక్షించారు.