రాష్ట్రీయ ప్రజా కాంగ్రెస్ (ఆర్‌పిసి) వ్యవస్థాపక అధ్యక్షులు మేడా శ్రీనివాస్ ఆర్‌ఎస్‌ఎస్ చీఫ్ మోహన్ భగవత్ చేసిన తాజా వ్యాఖ్యలపై తీవ్ర ఆందోళన వ్యక్తం చేశారు.

తేదీ: 15/16-02-2026
స్థలం: రాజమండ్రి

రాష్ట్రీయ ప్రజా కాంగ్రెస్ (ఆర్‌పిసి) వ్యవస్థాపక అధ్యక్షులు మేడా శ్రీనివాస్ ఆర్‌ఎస్‌ఎస్ చీఫ్ మోహన్ భగవత్ చేసిన తాజా వ్యాఖ్యలపై తీవ్ర ఆందోళన వ్యక్తం చేశారు.

రాజమండ్రిలో ఆర్‌పిసి ప్రధాన కార్యాలయంలో జరిగిన పార్టీ వారాంతపు సమావేశంలో మాట్లాడుతూ, “హిందూ అనే పవిత్ర పదాన్ని వక్రీకరించే విధంగా వ్యాఖ్యలు చేయడం సమాజంలో అపార్థాలు, ఉద్రిక్తతలకు దారితీయవచ్చు” అని ఆయన పేర్కొన్నారు. ఇటువంటి వ్యాఖ్యలు మత సామరస్యానికి భంగం కలిగించే అవకాశముందని తెలిపారు.

మోహన్ భగవత్ తన వ్యాఖ్యలను స్పష్టీకరించి, అవసరమైతే ప్రజలకు క్షమాపణ చెప్పాలని మేడా శ్రీనివాస్ డిమాండ్ చేశారు. “హిందూ ధర్మం మూలాలు, విలువలు పరస్పర గౌరవం, సహనం, సామరస్యాన్ని ప్రతిబింబిస్తాయి. వాటిని దెబ్బతీసే విధంగా వ్యాఖ్యలు చేయడం సమంజసం కాదు” అని అన్నారు.

ఆర్‌ఎస్‌ఎస్ గత చరిత్ర, కార్యకలాపాలపై కూడా ఆయన విమర్శలు చేశారు. “దేశంలో మత ఘర్షణలు పెరగకుండా అన్ని సంస్థలు బాధ్యతాయుతంగా వ్యవహరించాలి” అని సూచించారు. కేంద్ర ప్రభుత్వం మత సామరస్యాన్ని కాపాడేందుకు తగిన చర్యలు తీసుకోవాలని కోరారు.

మోహన్ భగవత్ వ్యాఖ్యల వెనుక మత కలహాలను ప్రేరేపించే గూడార్థం ఉందనే అనుమానం వ్యక్తమవుతోందని, సమాజంలో శాంతి, ఐక్యతను కాపాడడం అత్యవసరమని మేడా శ్రీనివాస్ పేర్కొన్నారు.

ఈ సమావేశానికి ఆర్‌పిసి సెక్యులర్స్ విభాగం అధ్యక్షులు పెండ్యాల కామరాజు అధ్యక్షత వహించారు.

ఈ కార్యక్రమంలో డి.వి. రమణమూర్తి, సిమ్మా దుర్గారావు, దుడ్డే సురేష్, వర్ధనపు శరత్ కుమార్, దుడ్డే త్రినాద్, వాడపల్లి జ్యోతిష్, గుడ్ల దుర్గాప్రసాద్, వల్లి శ్రీనివాసరావు, యర్రా బాల మురళీకృష్ణ, బసా సోనియా, మేకల కిరణ్ కళ్యాణ్, చల్లా సాంబశివరావు, మాసా అప్పాయమ్మ, చల్లా వంశీ, ఎస్‌కే బాబీ తదితరులు పాల్గొన్నారు.