తెలుగుదేశం పార్టీ కార్యకర్తలకు మార్గదర్శి ఎమ్మెల్సీ బీద రవిచంద్ర రాష్ట్ర నూర్ భాషా దూదేకుల కార్పొరేషన్ డైరెక్టర్ షేక్ అల్తాఫ్

తెలుగుదేశం పార్టీ కార్యకర్తలకు మార్గదర్శి ఎమ్మెల్సీ బీద రవిచంద్ర

రాష్ట్ర నూర్ భాషా దూదేకుల కార్పొరేషన్ డైరెక్టర్ షేక్ అల్తాఫ్

తోటపల్లి గూడూరు,నెల్లూరు జిల్లా, డిసెంబర్ 17 :

తెలుగుదేశం పార్టీకి వీర విధేయుడిగా, కార్యకర్తలకు మార్గదర్శిగా నిలుస్తున్న ఎమ్మెల్సీ బీద రవిచంద్రను నెల్లూరు జిల్లా తెలుగుదేశం పార్టీ నూతన అధ్యక్షుడిగా నియమించిన శుభసందర్భంగా రాష్ట్ర నూర్ భాషా దూదేకుల వెల్ఫేర్ అండ్ డెవలప్మెంట్ కార్పొరేషన్ డైరెక్టర్ షేక్ అల్తాఫ్ తన సహచరులతో కలిసి ఘనంగా సన్మానించి హృదయపూర్వక శుభాకాంక్షలు తెలియజేశారు.

ఈ సందర్భంగా షేక్ అల్తాఫ్ మాట్లాడుతూ, రాజకీయాల్లో నైతిక విలువలను కాపాడుకుంటూ కష్టకాలంలోనూ పార్టీ బలోపేతానికి ఎమ్మెల్సీ బీద రవిచంద్ర విశేషంగా కృషి చేశారని ప్రశంసించారు. వివిధ హోదాల్లో బాధ్యతలు నిర్వహిస్తూ పార్టీకి వన్నె తెచ్చిన ఆయన, కార్యకర్తలకు ఎల్లప్పుడూ మార్గదర్శిగా నిలిచారన్నారు.

బడుగు, బలహీన వర్గాల అభ్యున్నతికి కట్టుబడి పనిచేసే నాయకుడిగా బీద రవిచంద్ర సారథ్యంలో తెలుగుదేశం పార్టీ మరింత బలోపేతమవుతుందనే విశ్వాసం వ్యక్తం చేశారు. అధిష్టానంపై నమ్మకంతో, పార్టీ అభివృద్ధి కోసం నిస్వార్థంగా పని చేస్తే పదవులు సహజంగానే వస్తాయని నిరూపించిన నేత బీద రవిచంద్ర అని పేర్కొన్నారు. ఆయన బాటలో పార్టీ క్యాడర్ మరింత విజయవంతంగా పయనించాలని ఆకాంక్షించారు.

ఈ కార్యక్రమంలో నూర్ భాషా దూదేకుల సంఘం సభ్యులు, తెలుగుదేశం పార్టీ కార్యకర్తలు పెద్ద సంఖ్యలో పాల్గొన్నారు.