AP Government: ఏపీ ప్రభుత్వం మరో కీలక నిర్ణయం

AP Government: ఏపీ ప్రభుత్వం మరో కీలక నిర్ణయం

JaiHoBC.com ప్రత్యేక కథనం | డిసెంబర్ 23, 2025

అమరావతి:
ఆంధ్రప్రదేశ్ రాష్ట్ర ప్రభుత్వం మరో కీలక నిర్ణయం తీసుకుంది. రాష్ట్రవ్యాప్తంగా ఈ నెలాఖరు నుంచి సమగ్ర కుటుంబ సర్వే నిర్వహించేందుకు సిద్ధమైంది.

ఈ సర్వే ద్వారా ప్రతి కుటుంబానికి సంబంధించిన పూర్తి వివరాలను సేకరించనుంది. ఇందుకోసం ప్రత్యేకంగా రూపొందించిన మొబైల్ యాప్‌ను వినియోగించి సర్వే నిర్వహణ చేపట్టనుంది ప్రభుత్వం.

సంక్షేమ పథకాలు సమర్థవంతంగా అమలు చేయడం, అర్హులైన లబ్ధిదారులకు ప్రభుత్వ ప్రయోజనాలు సక్రమంగా అందేలా చేయడం ఈ సమగ్ర కుటుంబ సర్వే ప్రధాన లక్ష్యంగా ప్రభుత్వం పేర్కొంది.

సర్వే ద్వారా లభించే డేటాను ఆధారంగా చేసుకుని భవిష్యత్ విధాన నిర్ణయాలు, సంక్షేమ పథకాల రూపకల్పన మరింత ఖచ్చితంగా చేపట్టే అవకాశముందని ప్రభుత్వ వర్గాలు వెల్లడించాయి.