వైయస్సార్ కాంగ్రెస్ పార్టీ కార్యాలయంలో సావిత్రిబాయి ఫూలే జయంతి సందర్భంగా ఘన నివాళులు
సావిత్రిబాయి ఫూలే జయంతి సందర్భంగా ఘన నివాళులు
విజయవాడ:
అక్షరాలే ఆయుధంగా, సమానత్వమే లక్ష్యంగా భారతదేశంలో మహిళా విద్యకు పునాది వేసిన మహనీయురాలు సావిత్రిబాయి ఫూలే గారి జయంతిని పురస్కరించుకుని విజయవాడలో వైయస్సార్ కాంగ్రెస్ పార్టీ కార్యాలయంలో ఘనంగా నివాళులు అర్పించారు.
ఈ కార్యక్రమానికి వైయస్సార్ కాంగ్రెస్ పార్టీ చేతివృత్తుల విభాగం రాష్ట్ర అధ్యక్షులు తోలేటి శ్రీకాంత్ ముఖ్య అతిథిగా హాజరయ్యారు. ఈ సందర్భంగా సావిత్రిబాయి ఫూలే గారి చిత్రపటానికి పూలమాలలు వేసి నివాళులు అర్పించారు.
అనంతరం ఆయన మాట్లాడుతూ, కులమతాలకు అతీతంగా సమాజాన్ని ప్రేమించి, నిమ్న వర్గాల అభ్యున్నతికి జీవితాన్ని అంకితం చేసిన గొప్ప సామాజిక సంస్కర్త సావిత్రిబాయి ఫూలే అని అన్నారు. మహిళా విముక్తికి విద్యే ప్రధాన ఆయుధమని విశ్వసించిన ఆమె, తన భర్త జ్యోతిరావు ఫూలేతో కలిసి 1848 జనవరి 1న పుణెలో దేశంలో తొలి బాలికల పాఠశాలను ప్రారంభించడం చారిత్రాత్మక ఘట్టం అని పేర్కొన్నారు. కులవ్యవస్థ నిర్మూలన, మహిళలకు సమాన హక్కుల కోసం ఈ దంపతులు చేసిన పోరాటం సమాజానికి మార్గదర్శకమని తెలిపారు.
అలాగే సావిత్రిబాయి ఫూలే ఆశయాలను స్ఫూర్తిగా తీసుకుని గత ప్రభుత్వంలో మాజీ ముఖ్యమంత్రి వై.ఎస్. జగన్మోహన్ రెడ్డి గారు విద్యారంగంలో చారిత్రాత్మక సంస్కరణలు తీసుకువచ్చారని, విద్యార్థుల భవిష్యత్తుకు బలమైన పునాది వేశారని అన్నారు. మహిళలకు నామినేటెడ్ పదవుల్లో 50 శాతం రిజర్వేషన్ కల్పించడం ద్వారా వారికి సామాజిక గుర్తింపు తీసుకువచ్చిన ఘనతను ఆయన గుర్తు చేశారు.
ఈ సందర్భంగా సంస్కృత–తెలుగు ఉపాధ్యాయులు శ్రీ కె. కమల గారికి, నిట్టా లక్ష్మి కామేశ్వరి గారికి ఘనంగా సన్మానం నిర్వహించారు.
ఈ కార్యక్రమంలో నాయి బ్రాహ్మణ కార్పొరేషన్ మాజీ డైరెక్టర్ మల్కాపురం కనకారావు, ఎన్టీఆర్ జిల్లా బీసీ సంఘం మహిళా అధ్యక్షురాలు ముండూరి సత్యవతి, నగర బీసీ మహిళా అధ్యక్షురాలు నెల్లూరి లక్ష్మి చైతన్య, కుసుమ, పద్మ తదితరులు పాల్గొని కార్యక్రమాన్ని విజయవంతం చేశారు.
📎 Similar News
మహిళల నాయకత్వమే సమాజ పునర్నిర్మాణానికి పునాది: అనిషా జీకి అభినందనలు
సామాజిక మార్పు కోసం మహిళలు ముందుకు రావడం అభినందనీయంసమాజంలో సానుకూల మార్పు తీసుకురావాలనే సంకల్పంతో ముందడుగు వేస్తున్న అనిషా జీని అభినందించడం గౌరవప్రదమైన విషయమని పలువురు అభిప్రాయపడుతున్నారు. ప్రస్తుత సమాజం ప్రతికూల ఆలోచనలు, సామాజిక విభేదాలు, అసమానతలు, నిరాశాజనక ధోరణులను ఎదుర్కొంటున్న తరుణంలో, ప్రజల్లో......
మహాత్మా జ్యోతిరావు ఫూలే జయంతి వేడుకలు రాష్ట్రవ్యాప్తంగా ఘనంగా నిర్వహించిన బీజేపీ ఓబీసీ మోర్చా – సామాజిక సమానత్వానికి నూతన దిశ
భారతీయ జనతా పార్టీ (Bharatiya Janata Party) ఓబీసీ మోర్చా ఆధ్వర్యంలో మహాత్మా జ్యోతిరావు ఫూలే (Mahatma Jyotirao Phule) జయంతిని రాష్ట్రవ్యాప్తంగా ఘనంగా నిర్వహించడం సామాజిక చైతన్యాన్ని బలపరిచే సానుకూల కార్యక్రమంగా భావించబడుతోంది.మహాత్మా జ్యోతిరావు ఫూలే భారతదేశంలో సామాజిక సంస్కరణలకు మార్గదర్శకులుగా నిలిచ......
సోమయాజులపల్లిలో పట్టాదార్ పాసుపుస్తకాల పంపిణీ
రైతుల భూహక్కులను బలపర్చడానికి మరియు వచ్చే వ్యవసాయ సీజన్ ముందు సౌకర్యాన్ని అందించడానికి MLA గౌరు చరితా రెడ్డి గారి నేతృత్వంలో Pattadar Passbooks పంపిణీ కార్యక్రమం సోమయజుల పల్లెలో విజయవంతంగా నిర్వహించబడింది.కార్యక్రమంలో గ్రామీణ రైతులు, మహిళా రైతులు, మరియు మండల అధికారులు పాల్గొన్నారు. తెలుగు లక్ష్మీ దే......
🆕 Latest News
మహిళల నాయకత్వమే సమాజ పునర్నిర్మాణానికి పునాది: అనిషా జీకి అభినందనలు
సామాజిక మార్పు కోసం మహిళలు ముందుకు రావడం అభినందనీయంసమాజంలో సానుకూల మార్పు తీసుకురావాలనే సంకల్పంతో ముందడుగు వేస్తున్న అనిషా జీని అభినందించడం గౌరవప్రదమైన విషయమని పలువురు అభిప్రాయపడుతున్నారు. ప్రస్తుత సమాజం ప్రతికూల ఆలోచనలు, సామాజిక విభేదాలు, అసమానతలు, నిరాశాజనక ధోరణులను ఎదుర్కొంటున్న తరుణంలో, ప్రజల్లో......
పౌర బాధ్యత — పరిణతి చెందిన సమాజానికి కొలమానం !
సమాజం ఎంత అభివృద్ధి చెందిందో కేవలం అక్కడి మౌలిక వసతులు, ఆర్థిక ప్రగతి లేదా ప్రభుత్వ విధానాల ద్వారా మాత్రమే అంచనా వేయలేం. ఆ సమాజంలోని పౌరులు తమ హక్కులతో పాటు బాధ్యతలను ఎంతగా అర్థం చేసుకుని నిర్వర్తిస్తున్నారన్నదే నిజమైన పరిణతికి కొలమానం.పౌర బాధ్యత అంటే కేవలం చట్టాలను పాటించడం మాత్రమే కాదు. రాజ్యాంగ......
మార్కులు కాదు… మనిషి విలువ ముఖ్యం !
ఇంజినీరింగ్ ప్రవేశ పరీక్షల ఒత్తిడిలో నలిగిపోతున్న యువత మానసిక ప్రపంచంపై సమాజం ఆత్మపరిశీలన చేయాలి“నా మార్కులే నా విలువ” — నేటి విద్యా పోటీ ప్రపంచంలో కొంతమంది విద్యార్థుల మనస్సుల్లో నిశ్శబ్దంగా రూపుదిద్దుకుంటున్న అత్యంత ప్రమాదకరమైన భావన ఇది.వైద్య విద్యలో ప్రవేశం కోసం నిర్వహించే నీట్, ఇంజినీరింగ్ విద్య......