రైతులకు గుడ్ న్యూస్: అన్నదాత సుఖీభవ పథకం కింద ఆర్థిక సాయం

 రైతులకు గుడ్ న్యూస్: అన్నదాత సుఖీభవ పథకం కింద ఆర్థిక సాయం

అమరావతి:
రాష్ట్ర రైతులకు ప్రభుత్వం శుభవార్త తెలిపింది. అన్నదాత సుఖీభవ – పీఎం కిసాన్ పథకం కింద ఇప్పటికే రెండు విడతల్లో రైతుల ఖాతాల్లో రూ.14,000 చొప్పున నేరుగా జమ చేసినట్లు రాష్ట్ర వ్యవసాయ మంత్రి కింజరపు అచ్చెన్నాయుడు వెల్లడించారు.

ఇక మూడో విడతగా ఫిబ్రవరి నెలలో రూ.6,000ను రైతుల బ్యాంకు ఖాతాల్లో జమ చేయనున్నట్లు మంత్రి తెలిపారు. ఈ సాయంతో రైతులకు సాగు ఖర్చుల భారం తగ్గి, వ్యవసాయ కార్యకలాపాలకు ఊతం లభిస్తుందని ఆయన పేర్కొన్నారు.

అదేవిధంగా, ఉల్లి రైతులకు పంట నష్టపరిహారం కూడా ప్రభుత్వం విడుదల చేసింది.
కడప, కర్నూలు ఉమ్మడి జిల్లాల్లో పంట నష్టాన్ని ఎదుర్కొన్న 37,752 మంది రైతులకు
👉 హెక్టారుకు రూ.50,000 చొప్పున
👉 మొత్తం రూ.128.33 కోట్లు నేరుగా రైతుల ఖాతాల్లో జమ చేసినట్లు మంత్రి వివరించారు.

రైతుల సంక్షేమమే లక్ష్యంగా ప్రభుత్వం పథకాలను అమలు చేస్తోందని, భవిష్యత్తులో కూడా వ్యవసాయ రంగానికి మరిన్ని సహాయ చర్యలు చేపడతామని మంత్రి అచ్చెన్నాయుడు భరోసా ఇచ్చారు.