మేడారం జాతర శాశ్వత అభివృద్ధి పనులు వేగవంతం – 15లోగా పూర్తి చేయాలని ఆదేశాలు

మేడారం జాతర శాశ్వత అభివృద్ధి పనులు వేగవంతం – 15లోగా పూర్తి చేయాలని ఆదేశాలు

ములుగు జిల్లా, మేడారం:

ములుగు జిల్లా మేడారంలో కొలువుదీరిన శ్రీ సమ్మక్క–సారలమ్మ తల్లులను దర్శించుకుని ప్రత్యేక పూజలు నిర్వహించిన అనంతరం, మేడారం జాతరకు సంబంధించిన శాశ్వత అభివృద్ధి పనుల పురోగతిపై సహచర మంత్రులతో కలిసి అధికారులతో సమీక్ష సమావేశం నిర్వహించారు.

ఈ సందర్భంగా మాట్లాడుతూ, సమ్మక్క–సారలమ్మ జాతర తెలంగాణ ఆత్మగౌరవానికి ప్రతీక అని పేర్కొన్నారు. దేశ విదేశాల నుంచి వచ్చే భక్తులకు ఎలాంటి ఇబ్బందులు కలగకుండా, శాశ్వత నిర్మాణాలతో పాటు జాతర యొక్క సాంస్కృతిక వైభవాన్ని ప్రపంచానికి చాటేలా ఏర్పాట్లు చేస్తున్నట్లు తెలిపారు.

ఈ ఏడాది మేడారం జాతర నిర్వహణ కోసం రాష్ట్ర ప్రభుత్వం మొత్తం రూ.260 కోట్లు ఖర్చు చేస్తోందని వెల్లడించారు.

జాతర నిర్వహణకు రూ.150 కోట్లు

శాశ్వత ఆలయాలు, మౌలిక వసతుల నిర్మాణాలకు రూ.110 కోట్లు కేటాయించినట్లు తెలిపారు.

ప్రస్తుతం పనులు 85 శాతం పూర్తయ్యాయని, మిగిలిన 15 శాతం పనులను ఈ నెల 15వ తేదీ లోగా పూర్తి చేయాలని అధికారులను ఆదేశించినట్లు చెప్పారు.

జాతర ముగిసే వరకు అన్ని శాఖల అధికారులు పూర్తి అప్రమత్తతతో పనిచేయాలని, భక్తుల సౌకర్యమే ప్రభుత్వానికి ప్రథమ ప్రాధాన్యత అని స్పష్టం చేశారు. తాగునీరు, వైద్య సేవలు, రవాణా, పారిశుద్ధ్యం, భద్రత వంటి అంశాలపై ప్రత్యేక దృష్టి పెట్టాలని సూచించారు.